|
Cronica dau dijòus 29 de decembre de 2011
|
Dins quauques jorns virarem sus una autra anaa e nòstres òmes politics van nos sovetar lo bon an e prometut, jurat, se votèm ben, tot anirá mieus. Qu'es totjorn comòde de se fotre daus autres, mas los politics sovent o meritan, talament mancan de sinceritat. Qu'es per causa que quand ne'n perdem un, de qualitat, ne'n fau parlar.
Èra pas d'ès nosautres, lo Vaclav Havel, fuguèt president d'una republica d'Euròpa centrala qu'a gaire agut un ròtle de promèira dins lo monde, la republica de Checoslovaquia. Petit país mas lo monde entèir s'intereissèt e escotèt aquel president-escrivan que s'èra batut contra la dictatura, aviá fait de prison per sas idèias de libertat e se retrovèt sens l'aver vougut, president de la republica. Aviá acceptat lo pòste en 1989 per faire l'interim, aquò deviá durar pas mai de quaranta jorns. Mas los parlamentaris le tornèran mandar a la presidénçia après las eleccions. Es coma aquò que fuguèt encara president sens l'aver veraiment vougut. Coma disiá : « L'interim durèt 13 ans. »
E aquel òme de teatre, de literatura, qu'amava l'escritura e la reflexion, que s'èra batut contra lo totalitarisme, seguèt confrontat a l'accion quotidiana. E faguèt onor a son país. Aquel òme de cultura disiá : « Devem aprene pertot onte qu'es possible », o encara : « La politica veraia es tot simplament lo servici daus autres ». Parlava ben, presentava ben, e fuguèt escotat dau monde entèir. Aquò deuriá nos faire sonjar a la tròp granda mediocritat de tant de nòstres òmes politics que pensan de còps que de bramar de tots los latz, córrer de pertot per semblar tant valhent, sufis per avançar. Disiá encara lo president Havel: « Lo marchat pòt existar que solament se s'apòia sus una morala ». Legissiá, escriviá, aviá una morala. sembla que tot aquò brilha gaire encuei dins nòstre monde modèrne, mas fuguèt un grand politic e un escrivan important.
Se poviam ne'n trovar un, coma aquò, per nosautres, l'an que ven.
Dans quelques jours nous changerons d'année et les politiques vont nous présenter leurs voeux avec, promis, juré, et si nous votons bien, l'assurance que tout ira mieux. Il est facile de toujours se moquer, mais les politiques le méritent souvent, tant ils manquent de sincérité. C'est pourquoi lorsque nous en perdons un, de qualité, il faut en parler.
Il n'était pas de chez nous, Vaclav Havel, qui fut président de la Tchécoslovaquie, une république d'Europe centrale dont le rôle ne fut jamais prépondérant dans le monde. Petit pays, mais le monde entier s'intéressa et écouta ce président-écrivain qui s'était battu contre la dictature, avait connu la prison pour ses idées de liberté et se retrouva, sans l'avoir vraiment voulu, président de la république. Il avait, en 1989, accepté de faire un intérim qui devait durer quarante jours. Mais après les élections, les parlementaires le renvoyèrent à la présidence. Ainsi il fut encore président. Comme il disait : « L'intérim a duré 13 ans »
Et cet homme de théâtre, de littérature, qui aimait l'écriture et la réflexion, tout en ayant lutté contre le totalitarisme, fut confronté à l'action quotidienne. Il fit honneur à son pays. Cet homme de culture disait : « Il faut apprendre partout où c'est possible », ou encore : « La vraie politique est simplement le service du prochain ». Il parlait bien, présentait bien, et il fut écouté par le monde entier. Cela devrait nous faire réfléchir à la grande médiocrité de tant de nos hommes politiques, qui pensent parfois que les déclarations intempestives, l'agitation incessante pour faire croire à une grande activité, sont suffisantes. Le président Havel disait encore : « Le marché ne peut exister qu'à condition de s'appuyer sur une morale ». Il lisait, écrivait, avait une morale. il semble que tout ceci n'est guère « tendance » dans notre monde actuel, il fut cependant un grand politique et un écrivain important.
Si nous pouvions, pour nous, en trouver un semblable pour l'an prochain.