|
Cronica dau dijòus 6 de març 2014
|
Dins los grands espacis onte corriàn nòstres ancèstres, abilhats de pèls de bèstias, devián lutar contra lo freid e la sauvatgina. De còps rencontravan lo fuòc que brutlava tot sus son passatge. Lo fodre èra tombat enquesiam, dins las èrbas sechas e los boissons. L'òm pòt pensar a la paurassa qu'avián aquel monde davant las fòrças de la natura. E un jorn, n'i aguèt un, plus fin que los autres, un pauc sorcier, que reüssiguèt a domdar lo fuòc e a ne'n faire profitar sa tribú. E tots los vèspres poián doncas se reschaufar, coire la nuritura e se parar de las bèstias sauvatjas. D'autres, pas tant desgordits, avián pas lo fuòc e per se'n emparar ataquèran los promèirs. La "Guèrra dau fuòc" èra començaa.
Sembla qu'a nòstra epòca comencem una : "guèrra contra lo fuòc" que será teit achabaa pusque de fuòcs n'i aurá pas plus. Lo prefet de l'Ardecha o diguèt l'autre jorn : "brutlar será defendut dins totas las comunas". E nòstre prefet a pas paur de las formulas : "s'agís de cassar d'abitudas ancestralas". Au fuòc los ancèstres, perdon, a las dechetariàs, daube nòstres crapissiers.
An gis de vergonha, dins los burèus, la pollucion l'an trovaa e tot nòstre mau ven d'aquí. Lo director dau prefet picha encara mai fòrt : "Nos fasem d'idèias, es ben mai dangeirós per la natura e per l'èr que respirem de brutlar de branchas dins son jardin que de faire de quilomètres daube son auto per o portar a la dechetariá". Fau dire que los gases de las autos n'avem l'avèrtit de los respirar e que perdem l'abituda dau fuòc de bòsc, sustot en vila.
Siem bien a un tornant de la civilizacion. Disiam que i aviá pas de fumèia sens fuòc, aurem plus de fuòc mas gardarem las fumèias... daus gases d'eschapament. La bergèira se fasiá un petit fuòc per se reschaufar e se coire un pom en sonhant sas bèstias, maleirosa, se rendiá pas compte dau dangèir que fasiá córrer a l'umanitat. E encara saviá pas que sas vachas vessinavan tròp... La Sant Joan s'apròcha, mas si poirem sautar lo fuòc ?
E lo Julon que vòu totjorn buclar son caion a la palha, que las saucissas de coeinas son tant melhoras... Paure innocent, a pas encara comprés que siem, e per de bon, a una viraa de la civilizacion e que fau "rompre daube d'abitudas ancestralas".
Dans les grands espaces où se déplaçaient nos ancêtres habillés de peaux de bêtes, ils devaient lutter contre le froid et les bêtes sauvages. Ils rencontraient parfois le feu qui brûlait tout sur son passage. La foudre était tombée quelque part parmi les herbes sèches et les buissons. On peut imaginer la grande peur qu'avaient ces gens devant les forces de la nature. Hors un jour, il y en eut un, plus malin que les autres, un peu sorcier, qui réussit à apprivoiser le feu. Il en fit profiter à sa tribu. Tous les soirs ils pouvaient donc se réchauffer, cuire la nourriture et se protéger des animaux sauvages. D'autres, moins avancés, n'avaient pas le feu, ils voulurent s'en emparer. La "Guerre du feu" était commencée.
A notre époque, il semble que nous commençons une "Guerre contre le feu" qui sera vite terminée puisqu'il n'y aura plus de feu. Le préfet de l'Ardèche l'a dit l'autre jour : "brûler sera interdit dans toutes les communes". Notre préfet ne craint pas les formules : "Il s'agit de rompre avec des habitudes ancestrales". Au feu les ancêtres, pardon, à la déchèterie avec nos ordures.
Sans honte, tout notre mal vient de là, dans les bureaux on a trouvé la pollution. Le directeur du préfet enfonce le clou : "Nous avons des idées reçues, il est bien plus dangereux pour la nature et pour l'air que nous respirons de brûler des déchets verts dans son jardin que de faire des kilomètres avec sa voiture pour les porter à la déchèterie". Il faut reconnaître que les gaz des automobiles nous avons l'habitude de les respirer tandis que nous perdons l'habitude du feu de bois, surtout en ville.
Nous sommes bien à un tournant de la civilisation. Nous avions coutume de dire qu'il n'y a pas de fumée sans feu, nous n'aurons plus de feu mais nous garderons les fumées... des gaz d'échappement. La bergère faisait un petit feu pour se réchauffer, cuire une pomme, en gardant son troupeau, malheureuse, elle ne se rendait pas compte du danger qu'elle faisait courir à l'humanité. Et de plus elle ignorait que ses vaches pétaient et évacuaient trop de gaz... La Saint-Jean approche, pourrons-nous encore sauter le fougot ?
Et Jules qui veut toujours bucler son cochon, avec la paille, car les saucisses de couenne sont bien meilleures... Pauvre innocent, il n'a pas encore compris que nous sommes, et pour de bon, à un tournant de la civilisation et qu'il faut "rompre avec des habitudes ancestrales."