|
Cronica dau dijòus 7 de març 2013
|
Avetz benlèu vegut aqueste film que tornèt passar i a gaire a la tele e qu'es pro plasent : "Vos tròvo tant genti". Qu'es l'istoara d'un brave garçon de la campanha que tomba veve. Sa femna i manca... mas sustot per çò que fasiá ben de travalh dins la ferma. A auvit parlar d'agéncias matrimonialas que pòion vos trovar una companha dins los país de l'Èst onte de femnas cherchan a sortir de condicions materialas de granda pauretat. Lo veiquià partit a la rencontra d'aquelas candidatas que vòlon faire bona figura e que totas lhi dison doncas :"Vos tròvo tant genti !". Fará pacha, mas per la suita vos remando au film que fai passar un bon moment.
Se vos parlo d'aqueste film, qu'es per çò que fai pensar a la condicion de la femna, d'actualitat, pusque se ne'n parla tota aquela setmana de març. Savem coma èra dura la viá de las femnas, dins lo temps, a la campanha, entre lo travalh de la maison, de la ferma e daus enfants a abarir. E n'i aviá, d'enfants ! Pasmens èran pas totjorn ben consideraas aquelas femnas, e de proverbis nombrós son pro misogines : "Jamai ostal n'a ben anat / onte las femnas an governat". Seriá tròp aisat d'alonjar la lista daus dires misogines, mas encara un dicton que nos ven de Lemosin o de Peiregòrd : "Las femnas fan o esbòlhan las maisons". Aquel sembla pròche dau promèir, mas coma dis Micheu Chapduelh, l'escrivan qu'a fait lo recuelh* d'aqueles dires : "Aquel proverbi es benlèu pas tant misogine qu'aquò. Reconeis lo ròtle important de las femnas dins lo monde paísan, onte sovent ten la borsa e fai los comptes."
Importança de las femnas que nos será encara demontraa aqueste vèspre (dijòus 7 març, 20 oras 35) a la tele dins l'emission "Envoiat Especiau". Un raportatge nos montra qu'en China, coma dins lo temps ès nosautres las filhas partan de la campanha per la vila laissent los òmes dins la solituda. Mas encuei i a la comunicacion, e los paísans de China tròvan de femnas dins de país paures : Vietnam, Laos, Birmania, Indonesia. Lo mai terrible qu'es qu'aquelas femnas son venduás e qu'una sòrta de trafic exista.
Vous avez peut-être vu ce film assez plaisant qui est repassé récemment à la télé :"Je vous trouve très beau". C'est l'histoire d'un brave garçon de la campagne devenu veuf. Sa femme lui manque...surtout parce qu'elle faisait beaucoup de travail dans la ferme. Il a eu connaissance de ces agences matrimoniales qui se proposent de vous trouver une compagne dans les pays de l'Est où des femmes cherchent à sortir de conditions matérielles de grande pauvreté. Le voilà parti à la rencontre de ces candidates qui voulant faire bonne figure lui disent toutes :"Je vous trouve très beau !" Il fera affaire, mais pour la suite je vous renvoie au film qui fait passer un bon moment.
Si j'évoque ce film, c'est parce qu'il nous parle de la condition de la femme, sujet d'actualité puisqu'on en parle toute cette semaine de mars. Nous savons combien était dure autrefois la vie des femmes à la campagne, entre le travail de la maison, celui de la ferme et les enfants qu'il fallait élever. Et des enfants, il y en avait ! Malgré tout, elles n'étaient pas toujours bien considérées et de nombreux proverbes sont assez misogynes :" Jamais maison n'a bien marchée / où les femmes ont gouverné". Il serait trop facile de multiplier les exemples de dictons misogynes, un seul cependant qui nous vient du Limousin ou du Périgord :" Les femmes font ou démolissent les maisons". Celui-ci semble proche du premier, mais comme le dit Michel Chadeuil, l'écrivain auteur de ce recueil d'expressions :"Ce proverbe n'est peut-être pas si misogyne que ça. Il reconnaît le rôle important de la femme dans la société paysanne où c'est elle, le plus souvent, qui tient les cordons de la bourse et fait la comptabilité."
Importance des femmes qui nous sera encore démontrée ce soir (jeudi 7 mars à 20 heures 35) à la télé, dans l'émission "Envoyé spécial". Un reportage nous montre qu'en Chine, comme autrefois chez nous, les filles quittent la campagne pour les villes, laissant les hommes seuls. Mais aujourd'hui il y a les moyens de communication et les paysans chinois trouvent des femmes dans des pays pauvres : Vietnam, Laos, Birmanie, Indonésie. Le plus terrible c'est que ces femmes sont vendues et qu'existe une sorte de trafic.