|
Cronica dau dijòus 18 de feurèir 2015
|
Au moment de començar aquel bilhet, de parlar benlèu de la fin de l'ivern, dau jardin que chaurá tornar visitar sens tarjar, daus semís a preparar... encara lo bruch de la kalachnikòv !
Aqueste còp qu'es lo Dinamarca qu'es tochat. A Copenaga an tronat las Kalachnikòvs. Per quala rason? I aviá un debat entitolat:"Art, blasfemi e libertat d'expression". Rendètz-vos compte, los Danés volián parlar de libertat d'expression, e mai d'art, de cultura doncas e aquò es pas possible per d'uns. Benlèu lo mot "blasfemi" èra de tròp ? Poiem pas acceptar quò, a chascun sa religion o son abséncia de religion, tot lo monde a lo dreit de creire o de pas creire. Nos chaupuguèt de siècles e de siècles per n'arrivar a una formula tant simpla que se resuma en un mot : laïcitat. Volem pas tornar en arrièr !
Volem legir los liures que nos fan envèia, anar veire tots los films que nos interessan, escotar totas las chançons que nos plàion (e i a pas tant de temps que n'i aviá encara d'interditas). E sustot volem pas que quauqu'un vene dire a nòstras femnas que devon portar un folard se an envèia d'anar tèsta nua. La libertat se pòt pas negociar, nimai los dreits de l'òme. Siem pas oblijats de legir lo marqués de Sade, e si sas òbras nos tomban de las mans, empachem pas nòstre vesin de las legir. Los films pornografics interessan pas tot lo monde, mesme se i a ben de monde per los gaitar. A chascun sa libertat.
E puei, i a de moments onte se pòion dire las veiaas, Charlie Hebdo se fotiá daus regionalistas, d'aqueles arrierats que vòlon parar lhurs lingas istoricas, aqueste jornal es mai que mai un jornal parisian, franc a l'aise dins aquel monde dau centralisme. Mai d'un còp m'an lassat... Mas es pas per aquò que los faliá pas defendre e sens esitacion, sens restriccion, qu'encara un còp, la libertat se pòt pas negociar. Charlie Hebdo qu'es mai lo rire e dau rire n'avem besonh perqué lo rire qu'es la viá. Mesme si los temps que venon nos semblan sombres poiem pas passar nòstre temps a faire la monha. Los jihadistas an jamai fait rire dengun, pas mai que los dictators. Lo rire, coma la libertat, qu'es la democracia.
Volem rire, amai se l'avenir se machira talament que nos sembla que rintrem dins un ivern de la civilisacion, savem que lo dangèir es aquí, mas volem rire pasmens. Rabelais o disiá, l'òme es ren sens lo rire.
Au moment de commencer ce billet, de parler peut-être de la fin de l'hiver, du jardin qu'il faudra revisiter sans tarder, des semis à préparer... encore le bruit de la kalachnikov !
Cette fois c'est le Danemark qui est touché. A Copenhague les kalachnikovs ont tonné. Pourquoi ? Il y avait un débat intitulé :"Art, blasphème et liberté d'expression". Rendez-vous compte, les Danois voulaient parler de liberté d'expression, d'art aussi, donc de culture, cela n'est plus possible pour certains. Peut-être le mot "blasphème" était-il de trop ? Cette restriction est inadmissible, à chacun sa religion ou son absence de religion, tout le monde a droit de croire ou de ne pas croire. Il nous a fallu des siècles et des siècles pour en arriver à une formule tellement simple qu'elle se résume en un mot : laïcité. Nous ne voulons pas faire marche arrière.
Nous voulons lire les livres qui nous font envie, aller voir tous les films qui nous intéressent, écouter toutes les chansons qui nous plaisent (il n'y a pas si longtemps qu'il y en avait encore d'interdites). Surtout, nous ne voulons pas que certains viennent dire à nos femmes qu'elles doivent porter un foulard si elles ont envie d'aller tête nue. La liberté ne peut pas se négocier, pas plus que les droits de l'homme. Nous ne sommes pas obligés de lire le marquis de Sade et si ses ouvres nous tombent des mains, nous n'empêchons pas notre voisin de les lire. Les films pornographiques n'intéressent pas tout le monde, même si nombreux sont ceux qui les voient. A chacun sa liberté.
A certains moments il est utile de préciser les choses, Charlie Hebdo se moquait des régionalistes, de ces arriérés qui veulent défendre leurs langues historiques, ce journal est avant tout un journal parisien, bien à l'aise dans le monde du centralisme. Plus d'une fois ils m'ont lassé... Mais ce n'est pas pour cela qu'il ne fallait pas les défendre et sans hésitation, sans restriction, car une fois encore la liberté ne peut pas se négocier. Charlie Hebdo c'est aussi le rire et du rire nous en avons besoin car le rire c'est la vie. Même si l'avenir nous paraît sombre nous ne pouvons pas passer notre temps à faire la moue. Les djihadistes n'ont jamais fait rire personne, pas plus que les dictateurs. Le rire comme la liberté, c'est la démocratie.
Nous voulons rire, même si l'avenir s'obscurcit tellement qu'il nous semble rentrer dans un hiver de la civilisation, nous savons que le danger est présent, mais nos voulons rire malgré tout. Rabelais le disait, l'homme n'est rien sans le rire.