|
Cronica dau dimècres 8 d'avril 2015
|
Fau pas que lo titre d'aquel bilhet vos trompe, qu'es pas de politica que vos volió parlar encuei, solament dau temps de Pascas ès Anonai. Pasmens ai chamjat d'idèia en cors de rota e quò anirá bien quand mesme per çò que l'òm sap pas totjorn aquel qu'es lo pantin de l'autre.
Los pantins daus Rampalms qu'es una especialitat pastissièra d'Anonai per lo temps de Pascas e l'òm pòt se demandar que representavan dins l'imaginacion populara. Pareis que remontarian au segle XVIIIe, mas dengun baila la sorsa de son informacion. D'autres parlan de la receta de 1860. Basta, coma sovent, avem mai aicí perdut tota una simbolica que dèu s'enretjar bien mai luenh dins lo temps. Dau latz d'ès Valença l'apelavan lo Soïsse, qu'es ben un genti exemple de pantin. Veiquià doncas qu'èro partit per vos parlar de Pascas, dau mes d'avril, de la prima dins los jardins e de la coisina dau chabrit, de que passar un moment entre nosautres dins la simplicitat de la coisina occitana d'Ardecha, quand sió tombat sus un article d'un grand jornau parisien (Lo Monde) que nos parla de la coisina francèsa. Au diable ton chabrit ! Fau que vos explique.
L'idèia es brolhaa au "Quai d'Orsay", coma dison en francés per parlar dau ministeri de las veiaas estrangèiras. Volián reviscolar dins lo monde, lo saver-faire de la coisina francesa. Per aquò se son associats daube Alan Ducasse, coisinièr renommat en França e dins lo monde. Tot èra organizat d'avança e lo 19 de març, 1300 restaurants de 150 país an propausat un menut « a la francesa ». Au diable ton chabrit !
Vos vau pas faire la traduccion de tots aquestes menuts, aquò seriá complicat e li arrivarió surament pas que los coisinièrs per presentar los menuts, qu'es pas sovent que fan dins la simplicitat. L'operacion èra baptisaa « Gost de França / Good France ». Vès París, pòion plus ren dire sens i botar quauques mots d'anglés. Dins los 150 país que participavan, 85 dau cent daus chefes coisinièrs èran d'estrangièrs, amorós de nòstra coisina. L'idèia èra doncas la defensa de la gastronomia francèsa que fai partiá, disiá Laurent Fabius, de l'identitat de França tant coma lo chatèl de Versalha.
Qu'es justament dins aqueste chatèl, dins la galeria de las Batalhas, que fuguèran conviats lo 19 de març, los 650 invitats de l'Estat, i aviá pareis 90 ambassadors. Sembla qu'aquí an fait çò que chaliá per defendre la granda coisina, que volem pas criticar, a son importància e fai viure e travalhar ben de monde. Mas i a pasmens de fes, en pensant au budgèt de l'operacion, que i a gaire besonh de demandar onte son los pantins... Au diable ton chabrit !
Le titre de ce billet ne doit pas vous induire en erreur, ce n'est pas de politique que je voulais vous parler aujourd'hui, mais seulement de la période de Pâques à Annonay. Cependant j'ai changé d'idée en cours de route et gardé pourtant ce titre parce que l'on ne sait pas toujours qui est le pantin de qui.
Les pantins des Rameaux c'est une spécialité pâtissière d'Annonay pour la période de Pâques et l'on peut se demander ce qu'ils représentaient dans l'imagination populaire. Il paraît qu'ils remonteraient au XVIII° siècle, mais personne ne donne la source de son information. Ailleurs on parle d'une recette de 1860. Bon, comme souvent, nous avons perdu là toute une symbolique qui doit remonter bien plus loin dans le temps. Du côté de Valence on l'appelait le Suisse, c'est un bel exemple de pantin.
J'étais donc en train de vous parler de Pâques, du mois d'avril, du printemps dans les jardins et de la cuisine du chevreau, tout ce qu'il faut pour passer un moment entre nous dans la simplicité de la cuisine occitane d'Ardèche, lorsque je suis tombé sur un article d'un grand journal parisien (Le Monde) qui nous parle de la cuisine française. Au diable ton chevreau ! Faut que je vous explique.
L'idée est partie du Quai d'Orsay, comme on dit en français pour parler du ministère des affaires étrangères. On voulait relancer mondialement le savoir-faire de la cuisine tricolore. Pour cela il y eut collaboration avec Alain Ducasse, cuisinier célèbre en France et dans le monde. Tout fut organisé d'avance et le 19 mars, 1300 restaurants de 150 pays ont proposé un menu « à la française ». Au diable ton chevreau !
Je ne vais pas vous traduire tous ces menus, ce serait compliqué et je n'y arriverais sûrement pas car les cuisiniers pour présenter les menus font rarement dans la simplicité. L'opération était baptisée « Goût de France / Good France ». A Paris il ne peuvent plus s'exprimer sans glisser quelques mots d'anglais. Parmi les 150 pays qui participaient, 85% des chefs étaient étrangers, amoureux de notre cuisine. L'idée était donc la défense de la gastronomie française qui fait partie, disait Laurent Fabius, de l'identité de la France au même titre que le château de Versailles.
Et c'est justement dans ce château, galerie des Batailles, que furent conviés le 19 mars les 650 invités de l'Etat, 90 ambassadeurs étaient du nombre. Il semble que tout a été fait pour défendre la grande cuisine qu'il n'est pas question de critiquer ici, elle a son importance et fait vivre et travailler beaucoup de gens. Mais cependant, en pensant au budget de l'opération, on n'a plus besoin de s'interroger pour savoir où sont les pantins... Au diable ton chevreau !