Lo Nobel

Cronica dau dijòus 6 d'octòbre 2011

Aquesta setmana, tots los jorns, nos parlan dau prètz Nobel. Diluns qu'èra la medacina, èran tres. Dimars la Fisica, dimècres la Quimia. Normalament dijòus aquò deuriá èsser la literatura. Puei i aurá lo prètz de la Patz e per achabar aquel de l'Economia. A una epòca onte l'economia fai tant parlar e desparlar l'òm se demanda de fes se aquele prètz serv a quaucòm. Dins un monde onte l'argent a pres talament d'importància, seriá encara necessari d'estudiar l'economia ? Sembla que demora un solèt comandament, una regla unica : faire de sòus. Tot es bon per i arrivar e lo mai vite possible sens s'ocupar daus autres e de las consequéncias.

Aquela usina ganha de sòus ? Quant ? Qu'es ben, mas qu'es pas pro ! L'anèm sarrar per ganhar mieus enquesiam onte los ovriers son mens paiats. Coma? Me disètz que de monde van èsser malurós ? Van perdre lhur travalh ? De familhas van sofrir ? Lo país tomba a l'abandon ? Mas se l'òm s'ocupava de tot, coma avançariam, coma fariam fortuna e coma arrivariam dins lo peloton de tèsta onte son lo monde que comptan ?...Totas las estatisticas nos dison que i a jamai tant agut de riches, de gròs, coma disiàn nòstres vielhs. Mas en faça davalan de mai en mai prigond los paures, los petits, e son totjorn mai nombrós. Parlarem pas dau Nobel de la Patz, i auriá pasmens tant a dire.

Me sió laissat entrainar, que volió encuei faire una genta cronica sus la literatura, juste aqueste jòus que tomba lo jorn dau prètz de literatura, aquò marca mieus, e puei l'òm pòt tombar d'acòrd sus la literatura. L'avem agut, nosautres, lo Nobel per la linga d'òc, qu'èra en 1904 e quò seguèt lo Frederic Mistral qu'aguèt lo prètz de literatura. Chau dire que siem fièrs d'aquele prètz Nobel, que fau legir « Lou pouèmo dóu Rose, Lis isclo d'or, Mirèio... », mas ai plus la plaça per parlar de « la chatouno », o planho, mas fau pas se laissar emportar per sos sentiments se l'òm vòu faire fortuna... o juste una cronica de biais.

Le Nobel

Cette semaine on nous parle tous les jours du prix Nobel. Lundi c'était le prix de médecine, ils étaient trois lauréats. Mardi, la Physique, mercredi, la Chimie. Normalement jeudi ce devrait être la Littérature, puis il y aura le prix de la Paix et enfin celui de l'Economie. A une époque où l'on parle tant d'économie, en bien ou en mal, on se demande parfois si ce prix sert à quelque chose. Dans un monde où l'argent a pris tellement d'importance, il serait encore nécessaire d'étudier l'économie ? Il semble qu'une seule loi demeure, une règle unique : gagner de l'argent. Tout est bon pour y arriver et le plus vite possible, sans s'occuper des conséquences humaines ou matérielles.

Telle usine est d'un bon rapport ? Combien ? C'est bien, mais ce n'est pas suffisant ! Nous allons la fermer pour gagner davantage, quelque part où les ouvriers sont moins payés. Comment ? Vous me dites que des gens vont être malheureux ? Ils vont perdre leur emploi ? Des familles vont souffrir ? Le pays est à la dérive ? Mais si l'on devait s'occuper de tout, comment avancerions-nous, comment ferions-nous fortune et comment parviendrions-nous dans le peloton de tête où sont les gens qui comptent ?...Les statistiques nous disent toutes qu'il n'y a jamais eu autant de riches, les « gros » comme disaient nos anciens. Mais en face, les pauvres, les petits s'enfoncent de plus en plus et sont de plus en plus nombreux. Nous ne parlerons pas du Nobel de la paix, il y aurait cependant tant à dire.

Je me suis laissé entraîner alors que je voulais aujourd'hui faire une belle chronique sur la littérature, pile le jeudi, jour du prix littéraire, c'est de meilleur goût, et puis l'on s'accorde si facilement sur la littérature. Nous l'avons eu, nous, le Nobel pour la langue d'oc, c'était en 1904 et c'est Frédéric Mistral qui eut ce prix. Il faut dire que nous sommes fiers de ce prix Nobel, qu'il faut lire « Le poème du Rhône, Les îles d'or, Mireille... », mais la place manque pour parler de cette belle fille, je le regrette, mais on ne doit pas se laisser emporter par ses sentiments si l'on veut faire fortune...ou simplement une chronique d'aplomb.