|
Cronica dau dijòus 16 de junh de 2011
|
Los amators de fotbòl se son galats mai d'un còp au mes de mai e èran contents de veire de genti jèc. Prendrem qu'un exemple, la finala de l'U.E.F.A., lo 28 de mai. Qu'èra un bon moment, veire joar de monde que son una verai equipa onte i a solidaritat e plaser de joar.
Avètz benlèu comprès que vòlo vos parlar de l'equipa catalana, lo « Barçà », l'equipa de Barcelona (Barçalona). Veiquiá una equipa qu'es un modele e que poiriá bailar d'idèias a las autras. Sembla, per lo moment, la melhora equipa e lo melhor club au monde. Mesme los economistas se son intereissats a quela reüssita.
Chau dire que lo club a rintrat 398 milhons d'euros sus la sason 2009-2010 ! Pasmens an pas fait coma los autres que savon mas acheptar de vedetas. Veiquià un club que fai una formacion seriosa per sos joines, aquò fai que i a de monde dau país dins l'equipa e son mesme la majoritat (vut). E savètz çò qu'estona los jornalistas dau monde entèir ? Se parla catalan dins los vestiaris ! Se los jogaires son dau país, los « fans » mai, coma de pertot. Mas aicí tenon compte dau « sòcis », coma dison, lo club es pas la proprietat d'un gròs accionari, mas de tots los sòcis (150 000) e son nombrós dins l'assemblaa que governa lo club.
Faire confiança au monde dau terren, amai se son pas de vedetas, s'ocupar de formacion e seriosament, bailar la paraula a la pratica, aqueles que fan la fòrça de la marca Barçà es la promèira estrategia...comerciala. La marca es mai valorisaa, per çò que lo Barçà es mai qu'un club, dison, representa tota la Catalonha e savem que la Catalonha es pas l'Espanha, a sauput valorisar son identitat e doncas sa linga. Saver passar dau globau, dau mondiau, au locau, lo monde dau management aurián retrovat las retjas localas ? E compres que ren las remplaça.
Les amateurs de football se sont fait plaisir à plusieurs reprises au mois de mai, satisfaits de voir du beau jeu. Nous ne prendrons qu'un exemple, la finale de l'U.E.F.A., le 28 mai. C'était une satisfaction de voir jouer une vraie équipe, solidaire et qui manifeste un grand plaisir de jouer.
Vous avez compris que je veux vous parler de l'équipe catalane le Barça, l'équipe de Barcelone (Barçalona). Voilà une équipe qui est un modèle et qui pourrait bien faire école. Pour le moment elle apparaît comme la meilleure équipe, le meilleur club au monde. Même les économistes se sont intéressés à cette réussite.
Il faut dire que le club a encaissé 398 millions d'euros pour la saison 2009-2010 ! Et ils n'ont pas fait comme d'autres qui se contentent d'acheter des vedettes. Voilà un club qui fait une formation sérieuse pour ses jeunes, et en conséquence il y a des locaux dans l'équipe, ils sont même en majorité (huit). Et savez-vous ce qui étonne les journalistes du monde entier ? On parle catalan dans les vestiaires ! Si les joueurs sont du pays, les « fans » aussi, comme ailleurs, mais ici on en tient compte. Le club n'est pas la propriété d'un riche actionnaire mais celle de tous les membres (150 000) et ils sont très nombreux à faire partie d'une assemblée qui demande des comptes aux managers.
Faire confiance aux gens du terrain, même si ce ne sont pas des vedettes, s'occuper très sérieusement de formation, donner la parole aux supporters-clients, ceux qui font la force de la marque Barça est la première stratégie...commerciale. L'image est aussi valorisée car le Barça est plus qu'un club, disent-ils, il représente toute la Catalogne et, c'est connu, la Catalogne n'est pas l'Espagne, elle a su valoriser son identité et par conséquent sa langue. Savoir ainsi passer du global, du mondial, au local, les milieux du management auraient-ils retrouvé les racines locales et compris que rien ne les remplace.