|
Cronica dau dijòus 13 de decembre 2012
|
S'achaba a cha pauc l'an 2012 e chaurá començar 2013. Daus « començaments », volió parlar encuei per faire lo filosòfe.
I a de començaments que l'òm pòt pas mancar. Poiem ben nos virar de tots los latz, chaurá començar l'an novèl, qu'es un començament que nos es impausat per l'anar dau monde. E levat de lo quitar, lo monde, deurem començar 2013. Aquò será mai lo moment de prendre de resolucions.
Justament, veiquià tres ans que sió atalat a-n-aquela cronica, tres ans que passem un petit moment ensem totas las setmanas, e de còps me demando perqué ai començat aquela besonha, i a de moments chau ben dire, aquò vai pas tot solet. Coma ne'n parlavo au papet l'autre jorn, me disiá : « Se o fas qu'es que o vòles ben ». E coma lo papet a de letras ne'n faguèt la demonstracion.
Comencèt coma Ciceron e disiá : « Aquel qu'es montat sus lo grand rochièr e que s'es fait tombar la tèsta la promèira d'aquel ranc, pòt pas s'arrestar de tombar quand vòu ». Coma brojavo, contunuèt lo papet : « Pensa mai au maufasent qu'a lançat la pèira, la pòt pas tornar arrapar e benlèu que n'auriá envèia. Mas, la pèira, poviá la pas lançar e lo promèir sus son rochièr, poviá pas sautar. Tot es dins los començaments. Lo començament aquí lo temps que compta. E tu, taberlòt, vèis ben que pòies t'arrestar coma vòles ! »
Laissèt un petit moment, pus li tornèt lo papet : « Te vau dire de començaments que comptan. Dins lo plaser de l'amor fisic, que i a de mai important que los començaments ? Los fau faire durar e qu'es tant melhor coma aquò. E per achabar, te dirai daube Aristòtel, que es mai defecile de resistar au plaser que comença que de retenir una colèra que monta. »
Avió pas tot comprès, mas me resta encara doas setmanas per decidar se tòrno començar en 2013. Qu'es benlèu encara un moien de faire durar lo plaser de vos rencontrar totas las setmanas.L'année 2012 se termine et nous devrons commencer 2013. Des « commencements », c'est le sujet que je voulais aborder aujourd'hui pour faire le philosophe.
Il y a des commencements auxquels on ne peut échapper. Il faudra bien commencer l'année nouvelle, c'est un commencement que nous impose le mouvement du monde. A moins de le quitter, ce monde, il faudra donc commencer 2013. Ce sera aussi le moment de prendre des résolutions.
A ce propos cela fait trois ans qu'existe cette chronique, trois ans que nous passons un petit moment ensemble toutes les semaines et je me demande parfois pourquoi un tel travail. Il faut bien reconnaître que ce n'est pas toujours simple. Comme j'en parlais l'autre jour au papet, il me répondit : « Si tu le fais c'est que tu le veux bien ». Et comme le papet est un fin lettré il en fit la démonstration.
Il commença comme Cicéron et dit : « Celui qui est monté sur le grand rocher et qui s'est laissé tomber la tête la première ne peut pas s'arrêter quand il veut ». Comme je m'interrogeais, le papet continua : « Pense encore au malfaisant qui a lancé la pierre, il ne peut plus la rattraper même s'il en a envie. Mais, la pierre, il pouvait ne pas la lancer, comme le premier sur son rocher, il pouvait ne pas sauter. Tout est dans les commencements. Le commencement voilà le temps qui compte. Et toi, nigaud, tu vois bien que tu peux t'arrêter quand tu veux ! »
Il laissa passer un court moment puis le papet reprit : « Je vais te dire des commencements qui comptent. Quoi de plus important que les commencements dans les plaisirs de l'amour physique ? On doit les faire durer et c'est bien meilleur. Et pour en finir je te dirai avec Aristote qu'il est plus difficile de résister au plaisir qui commence que de retenir une colère qui monte. »
Je n'avais pas tout compris, mais il me reste encore deux semaines pour décider si je recommence en 2013. C'est peut-être encore un moyen de faire durer le plaisir de vous rencontrer toutes les semaines.