Femnas

Cronica dau dijòus 12 de janvièr de 2012

Se n'es gaire parlat me sembla, mas dempuei lo 1° de janvier de 2012 la presidénçia d'Euròpa es occupaa per una genta blonda aus elhs blaus, Helle Thorning-Schmidt, promèira ministra dau governament danés. Se vos avió dit que lo president d'Euròpa èra un genti òme brun aus elhs verds vos aurió estonat. Veiètz, que parlem pas de las femnas coma daus òmes e poirió ben me faire jurar per aquò, per una militanta un pauc testaruá. De'n bada, sió content de veire una femna a la tèsta d'Euròpa e que sise genta aquò gasta ren. L'avètz benlèu pas eissublat, lo Berluscòni l'aviá remarcaa e la video onte avisava sas chambas faguèt lo torn dau monde. Basta, que siem desbarrassats d'aquel apòtre e qu'es una bona veiaa. Las idèias de nòstra novèla presidenta son interessantas, sembla, e ne'n tornarem benlèu parlar.

Qu'es d'una autra femna que volió mai parlar encuei, de Linda Mihai, ròm, que, en situacion illegala, fuguèt l'an passat receupuá au Senat per çò qu'èra melhora aprentiá de França. I a sèis ans qu'arrivèt en França, en 2005, daube sos parents e parlava pas un mot de francés. L'aprenguèt en vut mes, volontosa e aidaa per d'associacions. Ne'n saviá pro per rintrar, a dètz a set ans dins un collègi. Un an de collègi, pus un pauc de licèu e en 2010 aviá un C.A.P. Pressing. Parla daube emocion daus professors, nombrós, que l'an aidaa e que la presentèron au concors de melhor aprentís de França. Concors ganhat, doas medalhas d'aur, e quò fuguèt la recepcion au Senat per aquela joina femna qu'aviá jamai vegut tant de grand monde e que pensava qu'una fes defòra seriá totjorn en situacion illegala. Preparava un Brevet de Mestrisa. E avem pas parlat de sas condicions de viá e de travalh, au mes de setembre èra dins çò qu'apelem un squat, dins l'Essonne, daube d'oras e d'oras de desplaçament e aquò dempuei qu'aviá comencat d'anar a l'escòla.

Decembre, coma dins un conte de Chalendas, la joina estudianta a agut sa carta de sejorn, poirá travalhar. Doas femnas, dos exemples.

Femmes

On n'en a guère parlé me semble-t-il, mais depuis le 1° janvier, la présidence de l'Europe est exercée par une belle femme blonde aux yeux bleus, Helle Thorning-Schmidt, première ministre du gouvernement danois. Si je vous disais que le président de l'Europe est un bel homme brun aux yeux verts vous seriez surpris. C'est que nous ne parlons pas des femmes de la même manière que des hommes et une militante un peu acharnée pourrait me reprendre à ce sujet. Peu importe, je suis content de voir une femme à la tête de l'Europe et tant mieux si elle est jolie. Peut-être vous en souvenez-vous, Berlusconi l'avait remarquée et la vidéo le montrant en train d'observer ses jambes a fait le tour du monde. Bon, nous sommes débarrassés de ce personnage, c'est une bonne chose. Les idées de notre nouvelle présidente sont intéressantes, semble-t-il, nous en reparlerons peut-être.

C'est d'une autre femme dont je voulais aussi vous parler aujourd'hui, de Linda Mihai, rom, qui en situation illégale, fut reçue l'année dernière au Sénat parce qu'elle était meilleure apprentie de France. Elle arriva en France en 2005, il y a six ans, avec ses parents, elle ne parlait pas un mot de français. Elle l'apprit en huit mois, très volontaire et aidée par des associations. Elle en savait assez pour rentrer à dix-sept ans dans un collège. Un an de collège, un peu de lycée ensuite et en 2010 elle était titulaire d'un C.A.P. Pressing. Elle parle avec émotion des professeurs, nombreux, qui l'ont aidée et qui la présentèrent au concours de meilleur apprenti de France. Reçue, avec deux médailles d'or, ce fut alors la réception au Sénat pour cette jeune femme qui n'avait jamais rencontré de tels personnages et qui pensait que lorsqu'elle quitterait les lieux elle serait toujours en situation illégale. Elle préparait alors un Brevet de Maîtrise. Il faudrait parler de ses conditions de vie et de travail, en septembre elle vivait dans un squat, dans l'Essonne, avec des heures de déplacement et ceci depuis qu'elle avait commencé l'école.

Enfin décembre, et comme dans un conte de Noël, la jeune étudiante a reçu sa carte de séjour, elle pourra travailler. Deux femmes, deux exemples