La legenda de las favas

Cronica dau dijòus 27 de decembre 2012

Los catalògs de granas per lo jardin son arrivats e ne'n arriva encara. Qu'es totjorn un plaser de los folhetar e d'avisar las proposicions novèlas. Lo temps pressa pas, lo jardin durm encara e lo jardinièr pòt sonjar a son aise a çò que vai experimentar en 2013. Perqué pas essaiar de novèlas tomatas, i a talament de varietats, sufís de faire sos plans e ne'n pòies far profitar los veisins. E las saladas, qu'es tant melhor de mesclar las varietats !

Per las favas, n'i a pas tant de varietats qu'aquò e qu'es un vielh legume. Mas las favas deurian èsser samenaas dempuei novembre e lo proverbi zo ditz: «Per Santa Catarina / Chasca fava ne'n fai mila !» Se las avètz pas encara samenaas es benlèu encara temps, tant que dura lo redoç, fau pas apeitar que jale o que la nèu sise de pertot. De las favas se ne'n parlava dejà en Egipta, disián qu'èran la nuritura daus Dieus. Los mòrts los enterravan daube un sachon de favas.

Mas per achabar l'an au caire dau fuòc anem contar la legenda de las favas coma la ditz, dins un poèma, Joan Bodon (1920-1975) d'Aveiron. I aviá una feis una petita vièlha que « triava de favas gròssas » e se despachava. Coma sus lo vèspre, sonava l'Angelus e que la vielha s'anava senhar, « veguèt la mòrt davans ela ». La mòrt portava la dalha e l'afialava daube sa pèira tota nèira. Disiá ren la mòrt. Alara la femna vielha lhi diguèt : « Se me laissavetz un jorn, las samenarió las favas. » Plorava e bramava la paura vielha.

E los ancians que contan aquela istòria dison que se la volètz pas creire, fau esperar lo jorn que las favas floriran au jardin per veire sus las flors blanchas una paura tacha nèira que lo bon Dieu a pintrat. Seriá lo dòl de la vielha que totas las favas pòrtan tots los ans.

La légende des fèves

Les catalogues de graines pour le jardin sont arrivés et il en arrive encore. C'est toujours un plaisir de les feuilleter et de consulter les nouvelles propositions. Rien ne presse, le jardin dort encore et le jardinier peut penser tranquillement à ce qu'il va expérimenter en 2013. Pourquoi ne pas faire l'essai de nouvelles tomates, il y a tant de variétés différentes, il suffit de faire ses propres plans et l'on peut même en faire profiter les voisins. Les salades aussi, elles sont si bonnes si l'on mélange les variétés.

En ce qui concerne les fèves, il y a peu de variétés et c'est un légume très ancien. Elles devraient d'ailleurs être semées depuis novembre comme dit le proverbe : « Pour Sainte-Catherine / chaque fève en produit mille ! » Si vous ne les avez pas encore semées il est peut-être encore temps de vous rattraper à la faveur du redoux, il ne faut pas attendre qu'il gèle ou que la neige soit partout. On parlait déjà des fèves en Egypte où l'on disait qu'elles étaient la nourriture des Dieux. On enterrait les morts avec un petit sac de fèves.

Pour finir l'année au coin du feu, nous allons conter la légende des fèves telle que la dit, dans un poème, Jean Boudou (1920-1975) de l'Aveyron. Il était une fois une vieille femme qui « triait de grosses fèves » et elle se hâtait. Sur le soir comme sonnait l'Angelus et que la vieille allait se signer, « elle vit la mort devant elle ». La mort portait la faux qu'elle aiguisait avec une pierre toute noire. Elle restait silencieuse la mort. Alors la vieille femme lui dit : « Si vous me laissiez un jour, je pourrais les semer, ces fèves. » Elle pleurait et criait la pauvre vieille.

Les anciens qui content cette histoire disent que si vous ne voulez pas la croire, il faut attendre le jour où, au jardin, fleuriront les fèves, pour voir sur les fleurs blanches une pauvre tache noire peinte par le bon Dieu. Ce serait le deuil de la pauvre vieille que les fèves portent tous les ans.