|
Cronica dau dijòus 18 d'avril 2013
|
Lo papet èra pas content, marmotava tot solet, e me chaupuguèt un pauc de temps per comprene que ne'n voliá a la tèrra entèira e mai au Revessin qu'aviá pas fait sa cronica de la setmana passaa.
- Dengun s'occupa de nos, qu'es coma se existavam pas, mèsme lo Revessin que ten pas son rendètz-vos dau jòus, dins lo Réveil, e s'excusa pas mèsme. Dejà que i a jamai de plaça per nosautres, en denluòc, vos diso, existem pas ! Lo Flavian, un petit garçon dau papet se virava vèrs son grand e li disiá : "Perqué dises aquò, papet, sias ben coma nosautres e me sembla qu'existem tots ? »
- Petit, respondiá lo papet, t'ai apres a parlar un pauc dins la linga nòstra, dins la linga de mos parents, aquesta linga qu'es estaa aquela de ma familha dempuei de siecles. Ai ben agut de pena per çò que, per tu e per tos parents, qu'èra un amusament, talament vos semblava qu'existava pas plus aquela linga. E si n'as après un pauc qu'es per me faire plaser. Davant mi dengun te n'aviá parlat, pas l'escòla, pas tos parents, pas la tele, nimai la ràdio o los jornaus. Veies ben que de pertot existem pas. Alentorn de nosautres qu'es lo desèrt !
- Pasmens la linga d'òc s'es pas encara perduá papet, i a de monde que l'estudian, de professors que fan de tesis, d'escrivans que fan de liures...
- N'as auvit parlar, tu, d'aquel monde ? Quand un liure en occitan es publiat, quau ne'n parla ? E los professors, estudian lo "patois", la fonetica, las varietats dialectalas, coma dison, e mai ne'n relèvan, mai son contents. E la linga dins tot aquò ? Ausan tot juste empleiar los mots de linga d'òc, parlem pas d'occitan. E si creies que la savon parlar de biais, la linga...
Èra remontat lo papet, pas franc juste daube los professors, que pasmens los ama pro d'abituda e reconeis lhurs qualitats. Eissubla pas que fuguèt mai estudiant e que li prenguèt gost. Nos parlèt puei dau governament, de la comuna, dau departament : « en denluòc existem, disiá, dengun ten compte de nosautres, dins totas las programacions culturalas ren per la cultura nòstra, ignorats los artistes occitans, la creacion occitana... » La colèra dau papet durèt, durèt, e se saviá de bon de l'escotar.
Per se faire pardonar lo Revessin ne'n tornará parlar benleu un autre jorn.
Le papet n'était pas content, il marmonnait tou seul, et il me fallut du temps pour comprendre que, si c'était à la terre entière qu'il en voulait, c'était aussi au Revessin qui n'avait pas fait sa chronique la semaine dernière.
- Personne ne s'occupe de nous, c'est comme si nous n'existions pas, même le Revessin manque son rendez-vous du jeudi dans le Réveil et il ne s'excuse même pas. Déjà qu'il n'y a jamais de place pour nous, nulle part, je vous le dis, nous n'existons pas ! Flavien, un petit-fils du papet, se tournait vers son grand-père et lui disait : "Pourquoi dis-tu cela, grand-père, tu es bien comme nous et il me semble que nous existons bien, tous ? »
- Petit, répondait le papet, je t'ai appris à parler un peu notre langue, la langue de mes parents, celle de ma famille depuis des siècles. J'ai eu bien de la peine car, pour toi et pour tes parents, cela n'était guère sérieux, tellement il vous semblait que cette langue n'avait plus d'existence. Et si tu en as appris un peu, c'est bien pour me faire plaisir. Avant moi, personne ne t'en avait parlé, ni l'école, ni tes parents, pas plus la télé que les journaux ou la radio. Tu vois bien que partout nous n'existons pas. C'est un désert tout autour de nous !
- Pourtant la langue d'oc n'est pas encore perdue, papet, il y a des gens qui l'étudient, des professeurs qui font des thèses, des écrivains qui font des livres...
- En as-tu entendu parler, toi, de tous ces gens ? Lorsqu'un livre en occitan est publié, qui en parle ? Les professeurs, ils étudient le "patois", la phonétique, les variétés dialectales, comme ils disent, et plus ils en relèvent, plus ils sont contents. Que devient la langue dans tout cela ? Tout juste s'ils osent employer le mot de langue d'oc, ne parlons pas du mot occitan. Et tu crois peut-être qu'ils savent la parler comme il faut, la langue...
Il était remonté le papet, pas très juste avec les professeurs, que pourtant il aime bien d'habitude et dont il sait reconnaître les qualités. Il n'oublie pas qu'il fut aussi étudiant et qu'il aima ce temps là. Il nous parla ensuite du gouvernement, de la commune, du département : « nulle part nous n'existons, disait-il, personne ne tient compte de nous, il n'y a rien qui concerne notre culture dans les diverses programmations culturelles, ignorés les artistes occitans, la création occitane... » Et elle dura, dura la colère du papet et c'était un plaisir de l'écouter.
Pour se faire pardonner, le Revessin développera peut-être un jour tout cela.