|
Cronica dau dijòus 13 de març 2020
|
S'es parlat de las femnas la setmana passaa daube la jornaa de las femnas e aquò me faguèt pensar a Erica Simon, femna de granda cultura que s'èra retiraa ès Vanòsc a la fin dau segle passat.
Naissuá en 1910 sus las rivas de la Baltica a Koenigsberg (Kaliningrad dempuei 1946), faguèt sos estudis en França, puei s'entornèt estudiar las lingas escandinavas en Sueda, au Dinamarca e en Norvègia. Sa Tèsi : "Revelh nacionau e cultura populara en Escandinàvia", en francés, es consacraa a l'òvra de Nikolai F. Grundtvig escrivan, poèta, linguista, istorian e pedagòg danés dau segle XIX° que fuguèt iniciator d'escòlas popularas e qu'es considerat coma lo paire de la formacion contunhaa e mai de las Universitats Popularas. Un programa important d'Euròpa pòrta lo nom de Grundtvig, que vòu melhorar la qualitat e la dimension europeana de l'educacion daus adultes per se formar tot au long de la viá.
Per ne'n revenir a l'Ardecha e a Erica Simon, achabèt una carrièira de professor d'estudis escandinaus a l'universitat de Lion II. Aguèt alara l'idèia d'installar ès Vanòsc un centre d'estudis onte poviá aplicar sas idèias e quelas de Grundtvig. Trovèt una ferma abandonaa : "Lo crau dau sapt" que saupuguèt renovar per acuelhir de monde. Las Universitats Popularas èran desvolopaas dins los país dau nòrd e nombrós venguèron los escandinaus ès Vanòsc per estudiar las sciéncias, las lingas, la viá agricòla...
Fasiá mai descuvrir lo país, tant Vanòsc, Anonai, que Lion o Valença. Erica se teniá au fiu de las idèias novèlas, quant de còps avem rencontrat ès Vanòsc Peire Rabhi, dins los ans 80-90, onte veniá presentar sas idèias qu'an tant de succès encuei. Coma èra linguista Erica Simon, quand presentava lo país eissublava pas sa linga, la linga occitana. Ai lo sovenir d'un seminari occitan de detz jorns au mes de març de 1989 e quò seguèt pas lo sol. Venián presentar la linga e son istòria, Jaume Chaize de Valença, Joannès Dufaud, Han Schook, lo Olandés occitan, e vòstre servitor. Erica Simon èra conselhaa mai per Alan Andreòli, occitanista provençau, que fuguèt lo promèir Principau dau collègi de la Lombardèira d'ès Anonai.
Me sap de bon aquela jornaa de las femnas que m'a fait retrovar de tan bons sovenirs !
On a parlé des femmes la semaine dernière à l'occasion de la journée des femmes et je me suis souvenu d'Erica Simon, cette femme de grande culture, qui s'était retirée à Vanosc à la fin du siècle passé.
Née en 1910 sur les rives de la Baltique, à Koenigsberg (Kaliningrad depuis 1946), elle fit ses études en France, puis s'en alla étudier les langues scandinaves en Suède, Danemark et Norvège. Sa thèse : "Réveil national et culture populaire en Scandinavie", en français, est consacrée à l'ouvre de Nikolai F. Grundtvig écrivain, poète, linguiste, historien et pédagogue danois du XIX° siècle qui fut l'initiateur d'écoles populaires et qui est considéré comme le père de la formation continue ainsi que des Universités Populaires. Un programme important de l'Europe porte le nom de Grundtvig, il a pour but d'améliorer la qualité et le côté européen de l'éducation des adultes dans le cadre de la formation tout au long de la vie.
Pour en revenir à l'Ardèche et à Erica Simon, elle termina sa carrière de professeur d'études scandinaves à l'Université de Lyon II. Elle eut alors l'idée d'installer à Vanosc un centre d'études où elle pouvait appliquer ses idées et celles de Grundtvig. Elle trouva une ferme abandonnée :"Le crau du sapt" qu'elle sut rénover pour accueillir les gens. Les Universités Populaires étaient développées dans les pays du nord et les scandinaves vinrent nombreux à Vanosc étudier les sciences, les langues, la vie agricole...
Elle faisait aussi découvrir la région, Vanosc, Annonay, comme Lyon ou Valence. Erica s'intéressait aux idées nouvelles, combien de fois avons-nous rencontré à Vanosc Pierre Rabhi, dans les années 80-90, il venait y présenter ses idées qui ont tant de succès aujourd'hui. Comme elle était linguiste, lorqu'elle présentait la région, Erica Simon n'oubliait pas la langue, la langue occitane. J'ai le souvenir d'un séminaire occitan de dix jours, au mois de mars 1989 et ce ne fut pas le seul. Venaient présenter la langue et son histoire : Jacques Chaize de Valence, Joannés Dufaud, Han Schook, le hollandais occitan, et votre serviteur. Erica Simon était aussi conseillée par Alain Andréoli, occitaniste provençal, qui fut le premier Principal du collège de la Lombardière d'Annonay.
Que m'est agréable cette journée des femmes qui m'a permis de retrouver tant de bons souvenirs !