|
Cronica dau dijòus 25 de setembre 2014
|
L'actualitat es gaire plasenta, totjorn de bruts de guèrra, sembla que ne'n sortirem jamai. Lo president n'a encara fait l'anóncia dins sa darrèira conferéncia de premsa. De novèlas intervencions. D'assurat comprenem tots que i a tant e tant de bonas rasons d'intervenir, que chau se parar e parar nòstres amics de tots aqueles maufasents que nos vòlon mau e que fan sofrir lo monde e mai son tant misogins.
Mas la guèrra qu'es la guèrra, quna que sise la rason. Es a dire quaucòm que condamnem e qu'adus jamai ren de bon. Mas si, ne'n sortirem jamai d'aquela problematica ! Per parar los uns, anem pichar sus los autres. I a pas d'autres moiens ? Lo monde seriá condamnat a una violença perpetuala. Savem ben que tot es benlèu pas tant simple e qu'es totjorn aisat de faire la morala aus autres, ben assetat e a la cala. Mas es jamai bon de se resignar a la violença.
De la conferença dau president chau retenir un autre moment que fuguèt gaire comentat e que pasmens vòlo relevar. Nos diguèt que lo ministre de las veiaas estrangèiras d'Iraq li parlèt de Victor Hugo e de Lamartine e ne'n tirava coma conclusion, nòstre president, que nòstre país brilha dins lo monde per sa cultura. Avem envèia d'apondre a sa frasa : "per sa cultura ... passaa !".
Per çò que, per la cultura presenta, brilha gaire lo país. A començar per los politics. Qu'es lo promèir còp benlèu, dempuei la campanha electorala, que lo president nos parla d'escrivans. Parlem pas daus ministres que, bonsenhe, n'i a que fan quasi pitiè e parlo per encuei d'assurat, mas qu'èra quasi pire sos l'autre president. Aquel que justament comença a s'esmunar, disent qu'a tant legit dau temps de sas vacanças !
Es ben passat lo temps de Mitterrand qu'amava tant los liures e la lectura e dau Charles de Gaulle e de son ministre de la cultura l'Andrieu Malraux. Encuei vivem a credit, sus lo passat, mas aquò o saviam dejà.
L'actualité n'est pas très agréable, toujours des bruits de guerre et il semble que ce sera sans fin. Le président a encore annoncé dans sa dernière conférence de presse de nouvelles interventions. C'est sûr, nous comprenons tous qu'il y a beaucoup de bonnes raisons d'intervenir, il faut se défendre, défendre nos amis contre tous ceux qui nous veulent du mal, qui font souffrir certains et surtout sont tellement misogynes.
Mais, quelle qu'en soit la raison, la guerre reste la guerre. C'est-à-dire quelque chose que nous condamnons et qui n'apporte jamais rien de bon. Ne sortirons-nous jamais d'une telle problématique ! Pour protéger les uns, nous allons frapper les autres. N'y a-t-il pas d'autres moyens ? Le monde serait donc condamné à une violence perpétuelle. On sait bien que tout n'est peut-être pas aussi simple et qu'il est toujours facile de faire la morale aux autres, confortablement assis et à l'abri. Mais il n'est jamais bon de se résigner à la violence.
De la conférence du président il faut retenir un autre moment qui ne fut guère commenté et que cependant je veux relever. Il déclara que le ministre des affaires étrangères d'Irak lui avait parlé de Victor Hugo et de Lamartine et notre président en tirait comme conclusion que notre pays brille dans le monde par sa culture. On a envie de compléter ainsi la phrase : "par sa culture... passée !"
Car pour ce qui est de la culture actuelle, le pays ne brille guère. A commencer par les politiques. C'est peut-être bien la première fois que, depuis la campagne électorale, le président nous parle d'écrivains. Ne parlons pas des ministres qui, les pauvres, pour certains font presque pitié. Je parle de ceux d'aujourd'hui, bien sûr, mais c'était à peu près semblable sous le président précédent. Celui qui justement commence à se faire voir à nouveau, disant qu'il a beaucoup lu pendant ses vacances !
Il est bien passé le temps de Mitterrand qui aimait tant les livres et la lecture, comme celui de Charles de Gaulle et de son ministre de la culture André Malraux. Aujourd'hui nous vivons à crédit, sur le passé, mais cela nous le savions déjà.