"Quò s'es fait coma quò"

Cronica dau dijòus 11 de feurèir 2015

Au moment onte las edicions occitanas IEO-Edicion venon de reeditar 5 romans policièrs de Florian Vernet : "E Freud dins aquò ?", "My name is degun", "Popre Ficcion", "Onte a passat ma planeta ?" e "Suça sang connexion", çò que monstra la vitalitat de l'edicion de liures en Occitan, ieu ai pensat encuei vos parlar d'un liure en Francés !

"Quò s'es fait coma quò", Ça s'est fait comme ça, es lo liure de sovenirs personaus de Gerard Depardieu. Aquí dins un ovratge cortet pas de grands desvolopaments, de discors, de consideracions saventas, mas l'essenciau, lo concentrat d'una viá, sa viá. E aquò comença mau e ne'n demorèt fòrça marcat. Èra lo 3e enfant e sa maire ne'n voliá pas. Puei, quand seguèt aquí, sa maire que le trovava gente e que l'amava bien, placava pas de lhi dire : "Quand penso que d'un pauc mai te tuavam, tu". E lo garçon qu'eissublèt jamai aquesta revelacion de comentar :"Se ai capitat a susviure a las bròchas de ma maire, de qui porió aver paur ?"

Nos parla doncas dau Dede, son paire, "qu'a jamai sauput legir, ni escriure... nimai parlar", de sa maire la Lileta, qu'arrestava pas de faire de petits e, de tots dos, ne'n parla daube afeccion. Son temps d'escòla es viste passat :"A detz ans, sió defòra...a l'escòla m'an fotut afòra... los curats mai m'an fotut afòra... los sols que fuguèran tant se pé de paires per mi quand èro enfant, son pas los professors, nimai los curats, mas los gendarmas... Èran benvolents, autoritaris mas benvolents. Son ben mens cons que çò que vòlon laissar parèisser". L'òm compren alara e nos explica los mauvés còps que faguèt. Qu'èra un berlòt, un arlòt se volètz, e los gendarmas lo lachavan gaire.

Puei será la montaa a París, de rencontras importantas daube de brave monde que devinan sas qualitats e lo van reeducar, chascun a sa manièra. Nos parla mai de sas femnas, un genti chapitre sus Elisabeth. Sas lecturas mai, que fau ratrapar lo temps perdut.

Comença per Molière, Racine, Corneille, tant lo quasi autista qu'èra es impressionat per la qualitat de l'escritura, la beutat daus mots e la "musica dau texte". Puei legirá, amará Giono, Margarita Duras, Nietzsche, Shakespeare, Musset e tant d'autres. Mas un que le marquèt fòrt es Peter Handke que joèt mai d'un còp. Per achabar nos parla de sa viá d'encuei, se mau apreciaa dins son pròpre país, la França. Son gost per la Russia, sa rencontra daube Poutine :"Si nos siem de suita reconeissuts, qu'es qu'auriam pogut tots dos virar berlòts."

Tot es a gardar dins aqueste liure sarrat, dense, sens concession, d'un òme dreit qu'avança dins sa viá sens escondre sos desfauts. Se dengun ne'n parla o si pauc, me sembla qu'es per çò qu'es tròp verai, franc pròche de l'èstre uman, dau pòple, sens un brison d'intelectualisme. Per tot aquò un liure remirable, que ten... au còr.

"Ça s'est fait comme ça"

Au moment où les éditions occitanes, IEO-Edition, viennent de rééditer 5 romans policiers de Florian Vernet :"E Freud dins aquò ?", "My name is degun", "Popre Ficcion", "Onte a passat ma planeta ?" et "Suça sang connexion", ce qui montre la vitalité de l'édition occitane, j'ai pensé aujourd'hui vous parler d'un livre en Français !

"Ça s'est fait comme ça" est le livre de souvenirs personnels de Gérard Depardieu. Là, dans un ouvrage de petite dimension, pas de grands développements, de discours, de considérations savantes, mais l'essentiel, le concentré d'une vie, sa vie. Cela commence mal et il en est resté très marqué. Il était le troisième enfant que sa mère ne voulait pas. Mais quand il fut là, sa mère qui le trouvait beau et l'aimait bien n'arrêtait pas de lui dire : "Et dire que d'un peu plus on te tuait, toi". Et le garçon qui n'oublia jamais cette révélation commente :"Si j'ai réussi à survivre aux aiguilles à tricoter de ma mère, de qui pourrais-je avoir peur ?"

Il nous parle donc de Dédé, son père, "qui n'a jamais su lire, ni écrire... ni même parler", de sa mère, la Lilette qui n'arrêtait pas de faire des enfants, mais de tous deux il en parle avec affection. L'école, ce sera bref :"A dix ans je suis dehors... à l'école on m'a viré... les curés aussi m'ont viré... les seuls qui ont été un peu des pères pour moi quand j'étais enfant, ce ne sont ni les professeurs ni les curés, mais les gendarmes... Ils étaient bienveillants, autoritaires mais bienveillants. Ils sont bien moins cons que ce qu'ils veulent laisser paraître." On comprend alors et il nous explique les mauvais coups qu'il fit. C'était un voyou que les gendarmes ne lâchaient guère.

Puis ce sera la montée à Paris, d'importantes rencontres avec de braves gens qui devinent ses qualités et chacun à leur manière vont le rééduquer. Il nous parle aussi de ses femmes, très beau chapitre sur Elisabeth. Ses lectures aussi car il faut bien rattraper le temps perdu.

Il commence par Molière, Racine, Corneille, et le presque autiste qu'il était, est très impressionné par la qualité de l'écriture, la beauté des mots et la "musique du texte". Il lira et aimera ensuite Giono, Marguerite Duras, Nietzsche, Shakespeare, Musset et tant d'autres. Celui qui le marqua beaucoup est Peter Handke qu'il joua plusieurs fois. Les derniers chapitres sont consacrés à sa vie d'aujourd'hui si mal appréciée dans son propre pays, la France. Il nous dit son goût pour la Russie, sa rencontre avec Poutine :"...si nous nous sommes immédiatement « reconnus », c'est que nous aurions pu tous les deux finir voyous."

Tout est utile dans ce livre serré, dense, sans concession, celui d'un homme droit qui avance dans sa vie sans cacher ses défauts. Si personne n'en parle ou si peu c'est, me semble-t-il, parce qu'il est trop vrai, serre de très près à l'humain, au populaire, sans un brin d'intellectualisme. Pour tout cela, un livre remarquable, qui tient...au coeur.