|
Cronica dau dijòus 15 de setembre de 2011
|
Aquesta fin de setmana seràn las jornaas dau Patrimòni. L'ocasion per tots d'anar visitar, un pauc de pertot, chatèls, musèus, parcs, jardins...que son sovent sarrats per lo monde. Aquelas jornaas son una granda reüssita, amem profitar de visitas, de fes excepcionalas e que se fan a gratis, çò que gasta ren.
Qu'es en França que comencèran aquelas jornaas organizaas dau temps dau ministre de la cultura Jack Lang, en 1984. Apelavan aquò « Pòrtas badaas daus monuments istorics » e puei en 1991 l'Euròpa se l'i botèt e apelèran aquel moment « Jornaas dau Patrimòni ». E tots los ans essaian de botar en avant un tèma diferent. L'an passat qu'èra : « Los grands Òmes, quora femnas e òmes bastisson l'Istòria ». D'aqueste an, lo tèma es : « Lo voiatge dau patrimòni». Sembla qu'a la fixitat daus monuments, plantats dins lo paisatge, vòlon opausar la vision de la circulacion de las idèias, daus eschanges qu'an fait los estiles diferents. Nombrosas son las formas d'arquitectura inspiraas daus romans, tant coma l'influéncia italiana dins l'estile Renaissença. Los exemples manquan pas, la pintura a totjorn circulat coma los artistes e las idèias mai.
Los Trobadors son de bons exemples d'aquela circulacion de las idèias, de la poesia, de la musica, en mesme temps qu'inventavan una civilisacion novèla, una sensibilitat que deviá marcar lo monde entèir e impausavan lo mot « amor » a la linga francesa. Corriàn l'Euròpa, l'Occitània, e pas solament « de la mar de Baiona entrò Valença » coma disiá nòstre veisin dau Velai, Pèire Cardenal. Lhur linga èra l'occitan, un brave element de nòstre Patrimòni !
Ce week-end auront lieu les journées du Patrimoine. L'occasion pour tous d'aller visiter de partout, châteaux, musées, parcs, jardins...qui souvent sont fermés au commun des mortels. Ces journées sont une grande réussite, nous aimons profiter de visites, parfois exceptionnelles, et gratuites, ce qui ne gâte rien.
C'est en France que commencèrent ces journées organisées à l'époque du ministre de la culture Jack Lang, en 1984. Elles s'appelaient « Portes ouvertes des monuments historiques ». C'est en 1991 qu'elles s'étendirent à l'Europe et prirent le nom de « Journées du Patrimoine ». Tous les ans un thème différent est mis en avant. L'an passé c'était : « Les grands Hommes, quand femmes et hommes construisent l'Histoire ». Le thème de cette année est : « Le voyage du patrimoine ». Il semble qu'à l'immobilité des monuments dans le paysage, on veuille opposer la vision de la circulation des idées, des échanges qui ont fait les styles différents. Nombreuses sont les formes d'architecture inspirées des romains, tout comme l'influence italienne dans le style Renaissance. Les exemples abondent, la peinture a toujours circulé, de même que les artistes ou les idées.
Les Troubadours sont de bons exemples de cette circulation des idées, de la poésie, de la musique. Et en même temps ils inventaient une civilisation nouvelle, une sensibilité qui devait influencer le monde entier et ils imposaient le mot « amour » à la langue française. Ils parcouraient l'Europe, l'Occitanie, et pas seulement « de la mer de Bayonne jusqu'à Valence » comme disait notre voisin du Velay, Pierre Cardinal. Leur langue était l'occitan, un élément important de notre Patrimoine !